Hávur kann ikki spæla í Klaksvík

Kurvabóltsfelagið, Hávur, má í løtuni flyta sínar heimadystir til aðrar býir og bygdir, tí tað ber ikki til at spæla í Klaksvík.

Ongar kurvar eru í ítróttarhallunum, og fimleikahallirnar eru ov smáar.

Nýggja kurvabóltsfelagið hevur eisini brúk fyri fleiri venjingartímum.

Klaksvíkar kommuna hevur samskift við umboð úr Hávi um karmar og tað verður arbeitt við at loysa málini sum skjótast.

Allir tímar í báðum ítróttahallunum eru fult upptiknir, men arbeitt verður fyri at geva Hávi tímar komandi ár.

Harafturat verður arbeitt við at seta kurvar upp í ítróttarhøll sum skjótast, og hetta verður vónandi veruleiki í inniverandi ári ella í seinasta lagi í januar mánaða.