Fleiri í verkfall

Nú klokkan 8 fara 30 leiðandi sjúkrarøktarfrøðingar á teimum trimum sjúkrahúsunum í verkfall.

Hetta er ein avleiðing av, at tað ikki eydnaðist at fáa semju millum Lønardeildina og felagið hjá sjúkrarøktarfrøðingunum um nýggjan sáttmála.

Semingsmaðurin steðgaði semingsroyndunum fríggjadagin. Tá fóru 16 narkosu-sjúkrarøktarfrøðingar í verkfall. Um vikuskiftið avgjørdi Felagið Føroyskir Sjúkrarøktarfrøðingar at víðka verkfallið til fleiri leiðandi starvsfólk.

Sáttmálin millum Felagið Føroyskir Sjúkrarøktarfrøðingar og Fíggjarmálaráðið fór úr gildi 1.oktober.