Hevði ov leingi opið í nátt

Eigarin av einum skeinkistaðiðí Havn er skuldsettur fyri at hava ov leingi opið. 

Løgreglan varnaðist, at aktivitetur var uttanfyri skeinkistaðið klokkan hálvgum fimm í morgun, og tá løgreglan fór innum, sótu fólk við fullum gløsum, hóast skeinkistaðið átti at steingja klokkan fýra.

Sektaruppskot er sent loyvisnevndini, sum nú skal taka støðu til málið. 

Slík mál enda ofta við bót, men loyvisnevndin kann taka onnur stig, um líkandi støður ofta taka seg upp. 

Løgreglan var annars inni í 20 skeinkistøðum kring landið, men har var onki at finnast at. 

Løgreglan boðar frá, at náttin hevur verið friðarlig. 

Men tó so var biðið um sjúkraflutning tríggjar ferðir í suðurstreymi millum klokkan trý og hálvgum fimm. 

Løgreglan veit ikki, hvør orsøkin til sjúkraflutningarnar vóru, tí sjúkrabilur fór eftir fólkunum, og fluttu tey á Landssjúkrahúsið.

Løgreglan hevur eisini verið og mekla í samband við húsaófrið í suðurstreymi og eysturoynni, og ein maður er tikin fyri at koyra ávirkaður.

Løgreglan bíðar nú eftir úrslitunum av blóðroyndini, sum var tikin.