Semingsroyndin heldur fram

Semingsroyndin, sum byrjaði í gjár, heldur  fram í dag, nú verkfallið hjá Sjúkrarøktarfrøðingunum fer inn í triðju vikuna. 

Klokkan 10 fyrrapartin fóru partarnir á fund við semingsmannin, Terja Sigurðsson, at samráðast víðari um nýggjan sáttmála.

Samráðingarnar eru á Hotel Føroyum. Hóast ymisk útspæl frá partunum, so er einki semingsuppskot komið enn.  

- Tað er ikki eitt semingsuppskot gjørt. Arbeiðshátturin er, at partarnir hava roynt at nærkast hvørjum øðrum við ymiskum útspælum, og tað er tað, sum er í gongd enn, sigur Terje Sigurðsson.

Felagið Føroyskir Sjúkrarøktarfrøðingar hevur ynskt hægri løn, og ósemjan snýr seg sostatt um lønina hjá sjúkrarøktarfrøðingunum, sigur hann og leggur afturat, at í løtuni er tilgongdin góð.

- Vit eru í einari góðari tilgongd í løtuni, og so kann man bara at vóna tað, at tað førir á mál.

Partarnir møtast aftur klokkan 13.30. Um partarnir kunnu semjast, er ikki neyðugt við einum semingsuppskotið frá semingsmanninum, sum er bjartskygdur um støðuna.