Vanrøkt neyt í Italia

Upptøkur eru gjørdar á níggju ymiskum bóndagørðum, sum allir framleiða víðgitna Parmasan og Grana Padano-ostin.

Neytini vórðu veik og lógu í egnu lorti, tí eingin sópaði undan teimum.

Vanrøkt

- Neytini vóru rak og oervað, og tey vórðu viðfarin sum mjólkimaskinur. Tey líða fyri at vit skulu fáa ost til pasta-rættin, sigur Emma Slavinski, leiðari fyri marknaðarføringini hjá felagsskapinum.

- Parmasanostur og Grana Padano verða marknaðarførdir sum hágóðskuostar, men tað kundi ikki verið longri frá sannleikanum, sigur hon.

Ávirkar ikki mjólkina

Eitt umboð fyri parmasan-framleiðarar viðgongur, at marknaðarføringini ikki tekur atlit at, hvussu neytini hava tað.

- Tað ávirkar ikki góðskuna, hvussu neytini hava tað, sigur umboðið, sambært Yle, - men umboðið sigur tó, at djórvælferðin hevur týdning fyri framleiðararnar. 

Átak við hashtag

Í løtuni fyrireika framleiðararnir eina framleiðsluskipan, sum skal tryggja, at eftirlit er við djóravælferðini.

Djórverndarfelagsskapir hava sett tiltakið í verk við "#notonmypasta",  har tey krevja, at framleiðararnir skulu tryggja sær, at djórini hava tað gott.

Framleiðararnir brúka mjólk frá 500-túsund neytum til at framleiða Parmasan og Grana Padano-ost, skrivar yle.