Upplýsingar hjá alivinnuni almennar í morgin

Frá í morgin skulu alifeløgini almannakunngera allar upplýsingar um sjúku, viðgerð móti sjúku og lús. 

Tað skal gerast á heimasíðuni hjá Heilsufrøðiligu starvsstovuni.

Kunngerðin um tað er lýst, og hon kemur í gildi í morgin, 1.januar 2018.

Eisini skal almannakunngerast, hvørjar endaligar avgerðir Heilsufrøðiliga starvsstovan hevur tikið um kryvjing og tá talan er um at seta minni fisk út.

Tá talan er um at ala krækling ella tara, skulu avgerðir sum Heilsufrøðiliga starvsstovan hevur tikið, í samandrátti verða at síggja á heimasíðuni hjá stovninum.