Annika vil ikki hava ábyrgdina einsamøll

Annika Olsen, forkvinna í Kommunala arbeiðsgevarafelagnum, vil ikki átaka sær ábyrgdina einsamøll av støðuni, sum er íkomin av verkfallinum og verkbanninum hjá pedagogunum.

Hon vísir á, at í evsta føri er tað Fíggjarmálaráðið, sum skal góðkenna allar lønarsáttmálar hjá kommununum.

Eini 1.000 fólk vóru komin saman á Vaglinum í Havn seinnapartin til mótmælistiltak, sum Pedagogfelagið skipaði fyri.