Kunnu nú fara í íslendskan sjógv eftir botnfiski

Í mesta lagi 20 føroysk skip, sum royna við línu, kunnu fiska í senn í íslendskum sjógvi.

Kunngerðin um fiskiskapin eftir botnfiski í íslendskum sjógvi í ár er lýst.

Skip, sum royna við línu ella snellu, kunnu fiska 5.600 tons í ár. 2.400 tons eru toskur og 650 tons brosma.

Ikki er loyvt at fiska kalva og svartkalva.

Fiskiloyvi verða latin fólki ella felagi, sum í fjør høvdu rætt til at fiska botnfisk í íslendskum sjógvi. 

Fiskiskapurin er skipaður við egnari árskvotu.