Íslendsk skip aftur í føroyskan sjógv

Nøkur íslendsk skip er nú á veg í føroyskan sjógv at fiska svartkjaft, hóast langt er at sigla, 370 fjórðingar.

Svartkjafturin er nú suðuri móti markinum við Bretland.

Onnur skip bíða eftir boðunum um, hvussu stór íslendska lodnukvotan verður. Tey boðini koma kanska longu í dag. 

Føroyar eiga fimm prosent av kvotuni. Í løtuni eiga Føroyar 10.400 tons í ár.

Íslendska svartkjaftakvotan

Íslendska svartkjaftakvotan verður 293.000 tons í ár, kunngjørdi íslendska fiskimálaráðið í gjár.

Íslendingar hava fiskað næstan allan sín svartkjaft í føroyskum sjógvi, men nú skal minst ein fjórðingur fiskast í íslendskum sjógvi.

Sambært gamla býtislyklinum um svartkjaft, sum er farin úr gildi, uttan at nýggjur er komin ístaðin, eigur Ísland góð 16 prosent av  heildarkvotuni, sum ICES mælir til. 

Men kvotan í ár er góð 21 prosent.