Steintór fingið stjørnu frá sínum Heimstaði

"Eg minnist mín heim, mín bý..."

Soleiðis byrjar Steintór Rasmussen sangin Heimstaðið, sum hann skrivaði til Klaksvíkina fyri 30 árum síðani.

Sangurin er ein hugleiðing um góð ungdómsminni; men eisini ein stúran fyri øllum byggjarínum, sum broytti býin so nógv í 80-árunum.

Steintór Rasmussen flutti eisini til Danmarkar, beint áðrenn kreppuárini rakti býin so meint.

Hann kom tó aftur, og gjørdist ein virkin leikari fyri trivnaðin í býnum.

Herfyri valdi Heimstaðið at viðurkenna rithøvundan og tónleikaran við Listavirðisløn Nólsoyrar Páls, 75.000 krónum og eini veruligari stjørnu.