Enn er eingin avgerð um framtíðina í Hoydølum

46 uppskot komu fyrst í september í fjør, men enn hevur Mentamálaráðið ikki gjørt av, hvat skal henda við bygningunum í Hoydølum, tá skúlin flytur haðani, væntandi í summar. 

Mentamálaráðið arbeiðir framvegis við málinum, sigur Poul Geert Hansen, aðalstjóri.

Trupulleikin hjá Mentamálráðnum er, at eingir pengar eru í fíggjarlógini til Hoydalar, og einki av teimum 46 uppskotunum hevur nágreiniligar ásetingar um fígging, sum Mentamálaráðið annars bað um, tá tað bað um uppskot.