Tveir stilla upp til næstformanssessin

Stríðsval verður um sessin, sum næstformaður í Sambandsflokkinum.

Norðlýsið skrivar, at valfelagið hjá Sambandsflokkinum í Eysturoynni, Samhald, hevur innstillað Helga Abrahamsen til næstformannsvalið ímóti verandi næstformanni, Magna Laksáfoss.

-  Vantandi samstarv millum formannin og næstformannin í flokkinum, er orsøkin til at vit vilja hava ein nýggjan næstformann, sigur Hans Kristian A. Abrahamsen, formaðurin í Samhald við Norðlýsið.

Sambandsflokkurin hevur landsfund í morgin.