Føroyingur við í stórum granskingartoymi í heilsu

Bogi Eliasen er blivin partur av einum granskingartoymi, sum skal gera heilsuverkini í vesturheiminum bíligari og betri.

Tað er ein stór avbjóðing fyri flestu londini í vesturheiminum, at heilsuverkini blíva alsamt dýrari.

Tí hevur alheimsfelagsskapurin fyri kunningar- og samskiftistøkni í heilsu, HIMMS, sett ein bólk av granskarum at finna útav, hvussu heilsuverkini í vesturheiminum kunnu blíva betri og bíligari.

Í granskingartoyminum, sum verður nevnt Future50, eru 50 fólk í Europa, sum verða mett at hava størstan týdning fyri kunningar- og samskiftistøkni í heilsu. Og millum tey 50 fólkini er Bogi Eliasen, sum er framtíðargranskari og arbeiðir á Center for Fremtidsforskning í Keypmannahavn.

Bogi Eliasen bleiv tilnevndur av starvsfeløgunum í Danmark til at blíva partur av toyminum.