- Tíðindi, mentan og ítróttur
Sambandsflokkurin ov konservativur til Magna
![](https://kvf.fo/sites/default/files/styles/grein-ovasta-mynd/public/magni_2.png?itok=pkDLDgex)
Magni Laksáfoss hevur boðað Sambandsflokkinum frá, at hann tekur seg úr flokkinum.
Orsøkin er, at Sambandsflokkurin er ov afturhaldssinnaður (konservativur), sigur Mangi Laksáfoss.
Magni Laksáfoss var næstformaður í Sambandsflokkinum til 10. mars 2018, tá flokkurin heldur valdi Helga Abrahamsen sum næstformann.
Hetta er tó ikki beinleiðis orsøkin til, at Magni Laksáfoss fer úr Sambandsflokkinum, sigur Magni Laksáfoss við Kringvarpið.
- Mann vil vera ein konservativur flokkur. Og nú hevur flokkurin bæði ein formann og ein næstformann, sum vilja tað sama, sigur Magni Laksáfoss.
Magni Laksáfoss hevur onga støðu tikið til, um hann fer í nakran annan flokk. Hann vil heldur ikki siga, um hann nú verður partur av samgonguni ella ikki.