Verkfall í Fraklandi

Verkafólk á tok- og jarnbreytarøkinum í Fraklandi eru farin í verkfall. Summi í gjárskvøldið og mong í dag.

France 24 skrivar, at verkfallið, sum verður tveir dagar av hvørjum fimm, fer at hava ruðuleika við sær fyri milliónir av fronskum ferðafólki. Fakfeløgini hava boðað frá, at tiltøkini halda fram til 28. juni, ella til forsetin sleppur síni ætlan at endavenda statsliga jarnbreytarfelagnum, SNCF.

Starvsfólk hjá Air France, ruskinnsavnarar og eisini fólk í orkuvinnuni ætla sær at leggja arbeiðið niður í dag.

Sosialur spenningur hevur verið í Fraklandi í seinastuni, skrivar France 24. Pensjónistar, studentar og almenn starvsfólk hava alment mótmælt stóru broytingar-ætlaninum hjá Macron, forseta.

Nú tokferðslan er partvíst lamin, verða allar vinnur í landinum raktar, tí starvsfólk sleppa illa til og frá arbeiði, skrivar France 24.