Ikki forbrotið seg ímóti lóggávuni

Landsstýrismaðurin hevur ikki forbrotið seg ímóti lóggávuni, men siðvenjan við flyting av veiðiloyvum, hevur ikki verið í tráð við fyrrverandi fiskivinnulóggávuna.

Tað vísti Kristina Samuelsen, kanningarstjóri millum annað aftur á, tá Jón Brian Hvidtfeldt tosaði við hana aftaná framløguna av kanningini í dag.

Kanningarstjórin skuldi kanna og gera eina frágreiðing til Løgtingið, um hvørt Høgni Hoydal, landsstýrismaður í fiskivinnumálum, hevur umsitið sítt málsøki á lógligan hátt í sambandi við flyting av veiðiloyvum, og um Aksel V. Johannesen, løgmaður, hevur røkt sína eftirlitsskyldu á fullgóðan hátt.

Lurtið eftir allari samrøðuni við Kristinu Samuelsen.