Sleppa ikki at vísa sangkappingina

Orsøkin er, at Mango TV vísti hvørki írska ella albanska sangin í semifinaluni týskvøldið, og rásin vísti heldur ikki nakað, sum hevði við kynsligar minnilutar at gera. 

Til fyrru semifinaluna týskvøldið sóust fólk m.a. veittra við fløggum við ælabogalitum, men hesi brot vórðu klipt úr sendingini, og rásin vísti ikki írska og albanska sangin.

Írska framførslan snýr seg um tveir menn, sum dansa saman, og tað er fallið Kina fyri bróstið, og at albansku sangararnir høvdu stórar tatoveringar. Í januar sett Kina forboð fyri at vísa tatoveringar í sjónvarpi.  

Í Kina er LGBT framvegis ikki loyvt, og samkynd pør síggjast heldur ikki í kinesiskum sjónvarpi.

European Broadcasting Union, EBU, hevur nú bannað kinesisku sjónvarpsrásini at vísa finaluna í kappingini, sum  verður í annaðkvøld. 

Mango TV hevur ikki gjørt viðmerkingar til bannið.