Semingsuppskot lagt fyri partarnar á middegi

Semingsuppskot lagt fyri partarnar á middegi
Á middegi fer Semingsstovnurin at leggja semingsuppskot fyri Maskinmeistarafelagið og Lønardeildina hjá Fíggjarmálaráðnum.
 
01.06.2018 - 11:43

Partarnir samráddust seinnapartin í gjár, og tá samráðingarfólkini hjá Maskinmeistarafelagnum og Lønardeildini fóru til hús, fóru semingsmenninir, Terje Sigurdsson og Símun Absalonsen, undir at orða eitt semingsuppskot, sum verður lagt fyri partarnar á middegi í dag.

Samráðingarnar millum Fíggjarmálaráðið og Maskinmeistarafelagið byrjaðu 12. mars, tá krøvini vórðu handað.

Talan er um at gera nýggjar sáttmálar fyri alment settar maskinmeistarar á landi, við Strandfaraskipum landsins, á vaktarskipunum og Magnusi Heinason.

Hesir sáttmálar fóru úr gildi 1. oktober í fjør.

Samráðingarnar bóru ikki á mál, so Semingsstovnurin varð boðsendur.

Hann hevur roynt at fáa partarnar at semjast, men tað bar ikki til, og nú verður eitt semingsuppskot gjørt.
 

Er kopiera
Nýggjastu sendingar í ÚV
Mánadag 4. august
Poppverturin
194206
Mánadag 4. august
Morgunlestur mánadagur 4.august 2025
195075
Sunnudag 3. august
Guðstænasta í Kvívíkar kirkju
195190
Nýggjastu sendingar í SV
Fríggjadag 1. august
Veðrið
195172
Týsdag 29. juli
Upp á gólv - Ólavsøkudag
195038
Týsdag 29. juli
Tingið verður sett
195033
Týsdag 29. juli
Guðstænasta úr Havnar kirkju
195031
Mánadag 28. juli
Á Ólavsøku 2025
195019