Færri brot á revsilógina í fjør

Føroyingar skikkaðu sær betur í fjør enn undanfarin ár.

Í øllum førum vórðu nógv færri brot á revsilógina fráboðað í fjør enn undanfarin ár, sambært frágreiðingini hjá Ríkisumboðnum.

499 brot vórðu fráboðað í fjør. Tey vórðu 605 í 2016 og 610 í 2015. 

Í 2014 vórðu tey 700 og 738 í 2013. So talið er minkað ár undan ári.

Harðskapsmálini vóru nógv færri í fjør enn undanfarin ár, og fráboðaðu herverkini eru eisini færri í hagtølunum.

Onnur lógarbrot vóru tó fleiri í fjør enn onnur ár, so sum brot á rúsevnalógina og djóraverndarlógina.

61 fólk vórðu sett í varðhald ella í fongsul í fjør, og tað eru færri enn undanfarin ár.

Politiið stóð fyri 15 vígslum í fjør, men bara átta í 2016.