Rudda alt landið í morgin

Tiltakið Rudda Føroyar verður kring landið í morgin, og higartil hava eini 1400 fólk boðað frá, at tey vera við í tiltakinum.

Men longu í dag vóru næmingar á Tekniska skúla í Klaksvík og ruddaðu við byrgingina í Haraldssundi.

Rudda Føroyar er eitt samstarv millum umhvørvisverndarfeløg og fólk her á landi.

Tiltakið er partur av einum altjóða ruddingardegi, sum verður í nógvum av heimsins londum í morgin.

Sí eisini samrøðu við Ingmar Valdemarson á Løgmansbø, sum samskipar Rudda Føroyar.