Nógv full fólk í býnum

Klokkan fýra í morgun ringdu tveir mans til løgreluna, og báðir søgdu, at teir høvdu fingið ein frammaná. Løgreglan kannar bæði málini, og greitt er ikki enn, hvat hendir við teimum.

Í Klaksvík var smávegis gøtuófriður um hálvgum fýratíðina í nátt. Har mátti løgreglan uppí og fekk menn at skiljast. Í dag verður helst avgerð tikin um, um menninir skulu fáa bót, ella um talan var um eitt harðskapsmál.

Í einum húsum í Havn var ógvusligur húsaófriður. Talan var um fólk, sum høvdu drukkið, og tað tók løgregluni næstan tveir tímar at sissa fólkini, so friður var aftur.

Løgreglan steðgaði umleið 30 bilum í nátt, fyri at vita um nakar hevði drukkið, men tað hevði eingin av teimum 30 bilførarunum.

Í nátt vitjaði løgreglan eisini á fleiri skeinkistøðum um landið, men har var einki óvanligt at síggja.

Ein partur av arbeiðinum í nátt var eisini at taka fólk upp, sum høvdu drukkið ov nógv, og at fáa tey til hús.

Ein nátt, har nógv var at gera, men einki ógvusligt var á vási, upplýsir vaktarleiðarin á løgreglustøðini í Havn.