Kim Larsen er deyður

Kim Larsen er deyður
Tann danski sangarin, Kim Larsen, andaðist í nátt í heiminum 72 ára gamal.
Kim Larsen og Kjukken.
 
30.09.2018 - 10:32

Umboð hjá danska sangarinum boðar í dag frá, at fólkakæri, danski sangarin andaðist í nátt 72 ára gamal. 

- Tað er við stórari sorg, at eg vegna familjuna hjá Kim Larsen skal boða frá, at Kim Larsen andaðist í heiminum eftir longri sjúkralegu. Kim Larsen gjørdist 72 ár, stóð í stuttu boðunum frá umboðinum hjá danska tónaskaldinum.  

Tað var í januar, at tað gjørdist greitt, at Kim Larsen hevði fingið staðfest krabba í prostata, og seinni sama mánaða avlýsti sangarin fleiri konsertir. 

Men í juni boðaði bólkurin hjá Kim Larsen frá, at sangarin var frískur aftur, og at bólkurin, Kim Larsen og Kjukken, aftur fór á konsertferð. Millum annað upptraðkaði Kim Larsen við bólki í august mánaða á stóra, danska festivalinum Smukfest.

Kim Larsen gjørdist av álvara kendur við danska rokkbólkinum Gasolin í 1969. Eisini hevur hann skrivað og framført í fleiri ár sjálvur. Einsamallur hevur hann selt yvir 3 milliónir fløgur, og saman við bólkinum Gasolin hevur hann selt yvir fimm milliónir fløgur. Kim Larsen varð mangan nevdnur danska tjóðarskaldið. 

Konan og seks børn hansara sótu hjá honum, tá hann í nátt andaðist, stendur at lesa í fráboðanini. 

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442