At lata Almannaverkinum fleiri íbúðir loysir einki

Almannaverkið hevur, sum er, rætt til fimtu hvørja íbúð, sum Bústaðir byggja.

Nú skjýtur Javnaðarflokkurin upp, at Almannaverkið skal fáa rætt til fjórðu hvørja íbúð, og Almannaverkið og Bústaðir skulu samstarva um ein bráðtørvslista.

Men at lata Almannaverkinum fleiri íbúðir burturav, er eingin loysn, sigur Andras Róin, stjóri í Bústøðum.

Eyðgunn Samuelsen, landsstýriskvinna í bústaðarmálum, væntar ikki, at bústaðartørvurin verður nøktaður fyrr enn um tvey ella trý ár.

Annika Olsen, borgarstjóri í Tórshavnar kommunu, sigur, at kommunurnar skulu ikki sjálvar byggja leigubústaðir, men tær skulu selja jørð til privatar at byggja leigubústaðir á.

Annika Olsen var gestur í Degi og Viku í kvøld.