Kaffistovan í svimjihøllini á privatar hendur

Møguleiki er nú fyri at leiga hølini hjá kaffistovuni.

Hølini eru 148 fermetrar, og so er eitt goymslurúm, sum er sjey fermetrar.  Sitipláss eru til 46 fólk.

Møguleiki er eisini at leiga ella yvirtaka verandi innbúgv og útgerð.

Tórshavnar kommuna vil, at virksemið framhaldandi verður kaffistova ella matsøla, sum er opin somu tíðir, sum Svimjihøllin er opin. 

Sambært miðlinum dagur.fo sigur Gunnar Streymoy, leiðari í Svimjihøllini, at ætlanin er at vita, um privati marknaðurin hevur áhuga í at reka kaffistovuna.

Hann sigur, at kommunan hevur rikið kaffistovuna seinastu árini, men hann heldur ikki, at kommunan skal kappast við privata marknaðin. 

Gunnar Streymoy sigur við dag.fo, at kaffistovan í Svimjihøllini fyrr hevur verið privat, men kommunan tók yvir aftur raksturin.