Heildarætlanin fyri Gundadal viðgerast

Tað er partur av heildarætlanini fyri Gundadal, sum Tórshavnar býráð skal viðgera hóskvøldið.

Bridgehúsið skal takast niður, og tað skal gamla Framhúsið, sum GizaHoyvik nú eigur, eisini. GizaHoyvík fær nýtt hús við Hoyvíksvøll.

Feløgini, sum eiga Gundadalshøllina, vilja sleppa at byggja hana út, men kommunan ivast, tí ein útbygging kemur tætt at fyrisitingini hjá Tórsvølli og tilbúgvingarvegin til Tórsvøll.

Kommunan hevur samráðingar við feløgini, sum eiga Gundadalshøllina, um at yvirtaka høllina.

Gundadalshøllin er í ringum standi.

Frítíðarskúlin í Badmintonhøllini hevur gjørt vart við plásstrot og vil sleppa at byggja á bilplássinum við høllina.

HB og B36 vilja sleppa at leggja vøll millum bæði felagshúsini, og Tennissambandið vil hava betri og endurnýggjaðar karmar.