Nýtt barnaheim í Havn

Nýtt barnaheim í Havn
Í dag fer løgtingið at viðgera eitt uppskot um at geva landsstýrinum heimild at byggja nýtt barnaheim í Tórshavn.
 
23.10.2018 - 09:11

Løgtingið fer í dag at viðgera eitt uppskot frá Eyðgunn Samuelsen, landsstýriskvinnu, um at fáa heimild at byggja nýtt barnaheim í Havn fyri í mesta lagi 65 milliónir kr.

Uppskotið var eisini í tinginum í farnu tingsetu, men tað varð ikki liðugt viðgjørt, áðrenn tingið fór til hús, og tí datt tað burtur.

Í uppskotinum, sum datt burtur í síðstu tingsetu, var kostnaðurin mettur til 60 milliónir kr. 

Nú er kostnaðarmetingin 65 milliónir kr., tí fleiri búeindir til familju- og eftirverndarviðgerð skulu gerast.

Hetta verður eisini gjørt, so tað samsvarar við tilmælini frá avvarðandi pørtum á økinum, sum hava vitan um viðgerð og tørv.

Nýggja barnaheimið skal skapa karmar fyri, at børn og ung, sum eru sett heiman, og familjur, sum eru innskrivaðar til familjuviðgerð, fáa betri og fjølbroyttari tilboð.

Gongst sum ætlað verður nýggja barnaheimið liðugt í 2022. 

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Nýggjastu sendingar í SV
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214