Bæði U19 liðini taptu sínar fyrstu dystir

Føroysku U19 landsliðini luttaka í hesum í døgum í NEVZA, sum er ein altjóða Norðurevropisku kapping, sum verður hildin í Kettering í Onglandi. 

U19 gentulandsliðið í flogbólti spældi í morgun í ímóti Svøríki, sum vann dystin 3-0. Føroyar eru í bólki við Svøríki og Norra. 

Klokkan 15.30 í dag skulu føroysku gentunar aftur spæla, tá er mótstøðan Norra. Liðini í hinum bólkinum eru Danmark, Ongland og Ísland.

Dysturin verður stroymdur, og hann sæst her. 

Føroysku U19 dreingirnir spældu eisini sín fyrsta dyst í morgun, tá teir spældu móti Svøríki. Eisini teir taptu 3-0.

Klokkan 13.30 byrjaði annar dysturin hjá dreingjunum, sum nú spæla móti Norra, sum er hitt liðið í bólkinum. 

Liðini í hinum bólkinum eru Danmark, Ongland og Ísland.

Tann dysturin verður eisini stroymdur, og tú sært hann her.