Gera tað hóvligari hjá skúlum at samstarva

Men hon fer kortini ikki at krevja, at skúlar kasta saman.

41 fólkaskúlar og tríggir frískúlar eru í Føroyum í dag.

Lutfalsliga fáa smáu skúlarnir eina stóra játtan, verður gjørt upp eftir játtan til hvønn næming.

Einstakar royndir eru

Einstakar royndir eru við tílíkari samskipan. Skúlin í Dímun samstarvar við Skúlan á Fløtum í Havn.

Skúlin í Dímun hevur kortini varðveitt sína játtan, so tað er ikki ein sparing, men eitt menningartilboð.

Tað sama er galdandi fyri skúlan í Mikladali og Trøllanesi, sum hevur verið samskipaður við skúlan við Skúlatrøð í Klaksvík.

Í frágreiðingini um fólkaskúlan, sum landsstýriskvinnan legði fyri løgtingið hósdagin, stendur, at størsta motivatiónin at smáir skúlar og stórir skúlar samstarva, eigur at vera tann fakligi parturin.

Ein týðandi vansi er óttin og mótstøðan í lokalsamfelagnum, stendur eisini í frágreiðingini.