Jólaaftan í KFUK

Nú tað styttist til jóla boðar KFUK í Havn frá, at felagsskapurin aftur í ár fer at skipa fyri jólahaldi fyri tey, sum av einhvørjari orsøk eru einsamøll jólaaftan.

Tað var í 1993, at Jona Henriksen og Jóhannes Álvheygg á fyrsta sinni skipaðu fyri jólaaftanshaldi.

Í ár er húsið opið frá klokkan 16.30, og farið  verður til borðs klokkan 18.

Neyðugt er at tekna seg hjá KFUK til jólaaftans-haldið, og evsta mark at boða frá er 20. desember.