Føroysku flogbóltsgenturnar komu í hálvfinaluna

Føroysku U16 genturnar í flogbólti vunnu í dag 3-1 á Íslandi í fjórðingsfinalu í EM-undankappingini, sum verður spæld í Havn um vikuskiftið.

Settúrslitini vóru 25-17, 25-18, 20-25 og 25-21.

Kl.17.30 spæla føroysku genturnar hálvfinalu móti Finnlandi.

Danmark og Svøríki spældu fyrru hálvfinaluna fyrr í dag. Har vann Danmark dystin 3-1.

Finalan verður spæld í morgin. Danmark er sum sagt í finaluni og Føroya og Finnland spæla um hitt finaluplássið.

Líkamikið hvussu úrslitini hjá føroysku gentunum verður í hálvfinaluni, so hava tær tryggja sær luttøku til annað umfar í kappingini um at sleppa við til EM-endaspælið. Tað hava tær, tí frammanundan var ásett, at øll liðini, sum komu í hálvfinaluna sleppa víðari.

Annað umfarð verður spælt seinni í ár. Sjálvt endaspælið verður avgreitt í Italia og Kroatia í summar.