Ein almenn umsiting afturat sum kostar pengar

Enn ein almenn umsiting, sum kostar pengar, sigur Bárður á Steig Nielsen í Sambandsflokkinum um varskógvaraskipanina.

Nei, sigur Kristina Háfoss, landsstýriskvinna, sum eigur lógaruppskotið.

Eitt fólk hjá Landsgrannskoðanini skal umsita skipanina, sigur hon.

Tey bæði tjakaðust um varskógvaraskipanina í Góðan morgun Føroyum í morgun.

Meirilutin í Fíggjarnevndini mælir frá at samtykja lógaruppskotið um varskógvaraskipan.

Møguleikarnir at boða frá óreglusemi hjá tí almenna eru Løgtingsins umboðsmaður, Landsgrannskoðanin, fakfeløgini, miðlarnir og talufrælsið, sigur meirilutin í Fíggjarnevndini.

Meirilutin heldur tí ikki, at neyðugt er við enn eini almennari umsiting afturat.

Onnur viðgerð og atkvøðugreiðsla um varskógvaraskipanina verða í morgin.