Fara nú at eftirmeta varskógvaraskipanina

Undanfarna løgting samtykti í 2019 at seta á stovn eina varskógvaraskipan til alment sett starvsfólk. Ein treyt var tá, at skipanin skuldi eftirmetast eftir tveimum árum.

Tann freistin kom og fór í mars í fjør, og enn er skipanin ikki liðugt eftirmett.

Jan Mortensen, lønarstjóri í Fíggjarmálaráðnum, umsitur eftirmetingina av varskógvaraskipanini:

Varskógvaraskipanin hevur til endamáls at tryggja greiðar reglur fyri alment sett starvsfólk í sambandi við fráboðanir um óreglusemi og annað í fyrisitingini.

Dømi um mál, ið kunnu varskógvast, eru eitt nú: Mál um korruptión, nepotismu, mutur, skjalafalsan, svik, fíggjarundandrátt, óreglulig viðurskifti í sambandi við bókhald og grannskoðan, harðskap og kynsligan ágang.

Um fráboðað viðurskifti eru fevnd av varskógvaralógini, letur Landsgrannskoðanin upplýsingarnar til avvarðandi aðalstjóra. Aðalstjórin skal síðani seta í verk, fylgja við og enda eina kanning.

Hóast fá mál eru meldað gjøgnum varskógvaraskipanina, síðani hon kom í gildi, er tað ikki vist, at skipanin verður strikað, sigur Jan Mortensen:

Varskógvari, varskógvaraskipan

Varskógvaraskipanin kom í 2019, og nú verður farið undir at eftirmeta hana.

Broytingar verða tó helst gjørdar í varskógvaraskipanini í sambandi við eftirmetingina. Eitt nú ber til at boða frá kynsligum ágangi gjøgnum varskógvaraskipanina sum er, men hetta er nærum ógjørligt at skjalprógva í verandi skipan:

Væntandi er eftirmetingin av varskógvaraskipanini liðug um ársskiftið, sigur Jan Mortensen. Tá skal landsstýrismaðurin í fíggjarmálum leggja eftirmetingina fyri løgtingið.