Einki yvirlit um útlendskar húsaeigarar í Føroyum

Einki yvirlit finst, sum sigur, hvussu nógvir útlendingar keypa hús í Føroyum.

Tinglýsingin, sum skrásetur øll fastognakeyp í Føroyum, hevur einki yvirlit um hetta. 

Og hon hevur ikki eina talgilda leitingarskipan, sum kann finna útlendskar eigarar í einari handavending.

Sambært Sosialinum mánadagin hava tey, sum selja hús í Føroyum, ongantíð fingið so nógvar fyrispurningar sum nú frá útlendingum, sum vilja keypa hús í Føroyum. Hús eru eisini seld utlendingum.

Hagstovan hevur heldur ikki tøl, sum siga, hvussu nógvir útlendingar eiga hús í Føroyum.

Vit hava onga býlisskrá í Føroyum. Men sambært bústaðarpakkanum hjá samgonguni er hann á veg, frættir Útvarpið.

Í øðrum londum sigur býlisskráin millum annað, hvør eigur fastognirnar í landinum.