Bingja stóð á vegnum og bilur rendi á hana

Politiið hevur fingið fráboðan um 21 skaðar í illveðrinum. 

Ein bilur rendi seint í gjárkvøldið á eina bingju, sum var fokin út á landsvegin á Sundi.

Bilurin fekk stóran skaða, men tann, sum koyrdi, fekk sum skilst ikki skaða.

Bingjan stóð í haganum, og var skjól hjá djórunum har.

Ein maður, sum svav í forhøllini á Hotel Hafnia tíðliga í morgun, gjørdust illur, tá hann varð vaktur, og bæði sló og skumpaði náttarvørðin á hotellinum.

Tveir menn fáa bót fyri at bróta politiviðtøkuna í nátt. Tað var í einum skeinkistaði í Fuglafirði.

Politiið kannaði eisini bilar fyri at vita, um fólk brúktu rúsevni. 

Tvey fólk eru skuldsett fyri at bróta lógina um rúsevni. Tey eru skuldsett fyri at brúka hash. Hetta var norðanfyri, sigur politiið.