Rebekka og Einar eru føroyameistarar

Leygardagin var áttanda og seinasta vetrarkappingin í renning og FM á 10 kilometrum avgreidd í Runavík.

Rebekka Fuglø og Einar Gregersen úr Treystinum vunnu samlaðu vetrarkappingina og kundu eisini fegnast um hvør sítt FM heiti, tá kappingin var av. 

Ragnar Rasmussen og Sam Vang gjørdust nummar tvey og trý í vetrarkappingini hjá monnum, meðan Marita Andrasardóttir og Hergerð Heldarskað endaðu á øðrum og triðja plássi hjá kvinnum.

Rennifelagið Bragdið vann báðar liðkappingarnar.