Fáa nýggjan fúta 1. juni

Fáa nýggjan fúta 1. juni
Evsta mark at søkja er farið, men danska løgmálaráðið vil ikki upplýsa, hvussu nógv hava søkt starvið
1. juni fáa Føroyar nýggjan fúta. Løgmálaráðið vil ikki upplýsa, hvussu nógv hava søkt starvið
 
04.04.2019 - 17:49

Í løtuni eru setanarsamrøður. Tað sigur Nanna Bødker, fulltrúi í løgmálaráðnum, við útvarpið.

Viðkomandi, sum verður settur, skal millum annað vera løgfrøðingur, búgva í Føroyum og í minsta lagi hava arbeitt sum politifulltrúi ella havt annað yvirskipað starv hjá løgregluni í trý ár.

Eisini verður kravt, at viðkomandi, ið verður settur sum fúti í Føroyum, er sjónligur og álitisvekjandi leiðari, og dugir at síggja heildarloysnir. Talan er um tænastumanna- og áramálssett starv í fimm ár.

Lønin umleið 630.000

Lønin er góðar 630.000 um árið, og ein føroyaviðbót, sum er slakar 40.000 krónur um árið. Harumframt verður avtala gjørd um persónliga viðbót og áramálsviðbót, stendur í lýsingini.

Fútin er stjóri fyri løgregluni í Føroyum og ákæruvaldinum í Føroyum. Hann hevur ábyrgd av rakstri og menning innan løgregluna, og hann er eisini stjóri fyri arrestina og hevur ábyrgd av Arresthúsinum í Havn.

Verandi fútin í Føroyum, John Kølbæk, hevur røkt starvið síðani 1. juni í 2013. Hann gevst av persónligum ávum, segði hann við Dimmalætting í januar.

Er kopiera
Nýggjastu sendingar í SV
Hósdag 16. mai
Sært tú fuglin? (1:3)
175150
Týsdag 14. mai
Veðrið
175069
Týsdag 14. mai
Breddin: Orðaskifti um verkfall
175057
Sunnudag 12. mai
Norðurmakedónia - Føroyar (34-26)
174958