Løgmaður eigur at leggja frá sær og útskriva val

18.04.2019 - 00:18
InnlendisPolitikkur
Løgmaður eigur at leggja frá sær og útskriva val
Løgmaður eigur at taka avleiðingina av atfinningunum frá Landsgrannskoðaranum, heldur Jacob Vestergaard, tingmaður
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

Løgmaður kann ikki liva við lemjandi atfinningunum frá Landsgrannskoðaranum í sambandi við frágreiðingina um byggingina av skúladeplinum í Marknagili.

Atfinningarnar eiga at gera, at løgmaður leggur frá sær og útskriva val. 

Tað heldur í øllum førum Jacob Vestergaard, tingmaður og fíggjarnevndarlimur fyri Fólkaflokkin.

Byggingin av skúladeplinum í Marknagildi er ikki bara Føroya størsta byggiverkætlan nakrantíð, hon er eisini ein tann størsta politiskan gølan í føroyum nakrantíð. Byggingin fór heilt av sporinum og er endað við at kost landskassanum og harvið føroysku skattgjaldarunum 337 mió. kr. meir enn ætlað. Skúladepilin í Marknagildi kostaði ikki 391 milliónir krónur sum ætlað, men 728 milliónir krónur.

Bárður ikki so avgjørdur

Bárður á Steig Nielsen, formaður í bæði Sambandsflokkinum og fíggjarnevndini, er ikki so avgjørdur. Meðan Jacob Vestergaard heldur, at vánaliga handfaringin av byggingini skal fáa avleiðingar fyri sitandi samgongu, so tykist Bárður á Steig Nielsen meira áhugaður at hyggja frameftir.
Hann heldur, at tað er neyðugt at tryggja sær, at nakað líknandi, sum byggigølan í Marknagili ongantíð, hendir aftur.

Jacob Vestergaard hevur sjálvur sitið sum landsstýrismaður og ásannar, at landsstýrisfólk ikki skulu fara niður í smálutir í øllum málum, men byggingini av skúladeplinum í Marknagili er ikki nakað vanligt mál, heldur hann. Eitt ótal av ávaringum um, at alt ikki ruggaði rætt í Marknagili, áttu at fingið avvarandi landsstýrisfólk og løgmann at havt eftirlit við fíggjarstýringini.

 
Er kopiera
Nýggjastu sendingar í ÚV
Hósdag 22. mai
Morgunlestur hósdagur 22.mai 2025
192148
Mikudag 21. mai
Morgunlestur hósdagur 22.mai 2025
192176
Mikudag 21. mai
Morgunlestur mikudagur 21.mai 2025
192174
Týsdag 20. mai
LEITISSTEIN 20.05.2025 (FRUM)
192144
Nýggjastu sendingar í SV
Mikudag 21. mai
Eftir Vørðunum - teknmálstulkað
192195
Mikudag 21. mai
KAKUMiKS (2:7) - teknmálstulkað
192190
Mikudag 21. mai
Dagur og vika - teknmálstulkað
192158
Týsdag 20. mai
Veðrið
192138
Týsdag 20. mai
3-2 (28. apríl 2025)
192112