Royna at finna semju um uppsøgn

Royna at finna semju um uppsøgn
Elektron gav ikki Kjartani Thomassen rætta viðferð, tá hann varð sagdur úr stjórastarvi sínum í 2016
Landið og báðir bankarnir eiga Elektron.
 
06.05.2019 - 12:51


Elektron gav ikki Kjartani Thomassen rætta viðferð, tá hann varð sagdur úr stjórastarvi sínum í 2016.

Roynt verður nú at finna semju í málinum millum Kjartan Thomassen og Elektron.

Málið var í Føroya rætti í síðstu viku.

Dómarin heitti á partarnar um at gera semju. 

Annars kemur dómarin við sínum sjónarmiði, tá mai-mánaði er liðugur. Tá fer dómarin at kunngera, hvussu verður dømt í málinum.

Og Kjartan Thomassen fær viðhald í tí, at Elektron gav honum ikki rætta viðferð, tá hann varð sagdur úr stjórastarvinum.

Hann fekk ikki somu fráfaringaravtalu sum onnur hava fingið frá Elekton.

Sakførarin hjá Kjartani Thomassen, Jens Bertel Rasmussen, sigur, at báðir partar hava gjørt uppskot um semju, men í teirra uppskoti eru fleiri pengar enn í uppskotinum hjá Elektron. 

Eingin semja enn

Semja er tó eingin enn.

Í apríl 2016 kunngjørdi Elektron, at Kjartan Thomassen var farin úr stjórastarvinum og í aftur sítt gamla starv sum tekniskur stjóri. 

Í sama viðfangi kunngjørdi Elektron eisini, at av tí at kona Kjartans var illa sjúk av krabbameini - hon doyði seinast í mai 2016 - fór hann í farloyvi. 

Men Elektron lovaði fráfarna stjóranum, at hann skuldi sleppa aftur í sítt gamla starv 1.september 2016.

Men so langt kom tað ongantíð. 

Tí nakrar dagar inn í august fekk Kjartan Thomassen boð frá Elektron um, at hann varð sagdur úr starvi. Hetta hendi, meðan hann enn var í farloyvi.

Sambært leiðsluni í Elektron vóru bygnaðarbroytingar orsøkin til uppsøgnina.


 

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442