Innlit fæst ikki í felli á smoltstøð

Útvarpið bað um innlit í málið. Heilsufrøðiliga starvsstovan svarar, at eingin alifyritøka gevur henni upplýsingar um fiskaaling á smoltstøðum.

Tað vil siga, at upplýsir Heilsufrøðiliga starvsstovan, hvussu nógv smolt, Bakkafrost misti í Glyvradali, viðger hon ikki alifyritøkurnar eins, sigur hon. Bakkafrost hevur havt umbønina um innlit til hoyringar.

Ikki innlit

Heilsufrøðiliga starvsstovan vil ikki geva innlit, tí talan er um rakstrarviðurskifti og vinnuviðurskifti. Aðrar alifyritøkur kunnu gera sær dælt av hesum.

Tað kann tí fáa fíggjarligar avleiðingar fyri Bakkafrost, um fellið í Glyvradali verður alment.

Ólag í streymveitingin gjørdi, at smolt í Glyvradali doyði um náttina 6. juni. Sambært stjóranum í Bakkafrosti, Regini Jacobsen, doyðu nøkur 100.000 smolt.