Umhugsar at taka gjald fyri at síggja Múlafoss

Av tí at tað framvegis er ókeypis at ganga í náttúruni í Gásadali, samstundis sum gjøld verða løgd á aðrastaðni í landinum, er ferðafólkatrýstið á Gásadal vaksið nógv í seinastuni.

Tí er Jákup Suni Lauritsen, bóndi, farin at umhugsa, um gjald skal setast á ferðafólk, sum ætla at síggja Múlafoss.

Millum 300 og 500 fólk koma til Gásdals um dagin, heldur Jákup Suni Lauritsen.