Tá tú sært John Johannessen í sjónvarpskíggjanum, so tykist hann alt annað enn smæðin, tá hann borðreiðir við søgum úr samfelagnum. Tó er ein søga, sum hann hevur hildið fyri seg sjálvan meginpartin av lívinum. John Johannessen var 42 ára gomul, tá hann fyri fyrstu ferð segði vinmanni sínum um, at hann var samkyndur. 

- Eg ræddist, hvat fór at henda, tá eg kom út við tí. Fóru fólk at góðtaka meg? Fór eg at missa øll rundan um meg? Soleiðis greiðir John Johannessen frá, tá hann lýsir kensluna, tá hann kom út úr skápinum. Men henda kensla var óneyðug, tí hann upplivdi ikki annað enn umfevnan og kærleika frá sínum nærmastu. 

Í dag hevur tað stóran týdning fyri John at standa við, hvør hann er. Harafturat brúkar hann eisini nógva orku uppá at tala ímóti teimum, ið harta samkynd.

- Eg føli, at tað er mín skylda at tala at, um órættur móti samkyndum fer fram. Hetta skyldi eg komandi ættarliðum, sigur John Johannessen.