- Tíðindi, mentan og ítróttur
Nón
25 ára gamla Rutt Ragnardóttir Hjaltalin hevur altíð kent á sær, at okkurt hevur verið galið við sær. Men ikki fyrr enn hon bleiv vaksin, varð staðfest, at hon hevur ADD.
ADHD er eitt Neuropsykiatriska órógvið, sum millum annað hevur við sær, at ein hevur trupulleikar við sosialari atferð og at hugsavna seg. Harafturat eru eyðkeninni eisini hyperaktivitetur og impulsivitetur.
Ein undirgrein av ADHD er ADD. Tað, sum verður kallað tað stilla ADHD. Tað rakar ofta gentur, sum venda tí inneftir, og tí er tað truplari at fáa eyga á. Tað vil siga, at gentur stríðast - í stillum - við sítt innara órógv.
Kanning frá Landssjúkrahúsinum vísir, at gentur í heila tikið fáa staðfest ADHD og ADD nógv seinni enn dreingir. Tískil kunnu gentur ganga í nógv longri tíð við óviðgjørdum ADHD og ADD, sum millum annað kann hava við sær sjálvskaðandi atferð, tunglyndi og angist.
Í framløgu á ADHD ráðstevnu í Føroyum tosaði Rókur av Fløtum Jespersen, sálarfrøðingur, um "tær yvirsæddu genturnar". Rutt Ragnarsdóttir Hjaltalin er ein av teimum gentunum, sum er vorðin yvirsædd í longri tíð. Hon var 25 ára gomul, tá hon fekk staðfest ADD.
Eftir tógvið sálarligt stríð, fekk hon fyrr í ár staðfest diagnosuna ADD. Tá var hon 25 ár.