- Eg havi gjørt hetta í mínari frítíð. Eg meini, at øll máløki hava brúk fyri góðum málsligum amboðum, og tað hevur verið mín tileggjan til at gera tað, sigur Trond Trosterud.

Mentanarvirðisløn M.A. Jacobsens fyri mentanaravrik 2021 varð latin Trond Trosterud, professara í máltøkni á universitetinum í Tromsø. Hetta er fyrstu ferð, at ein útlendingur fær M.A. Jacobsens fyri mentanaravrik, ja eina M.A. Jacobsens virðisløn yvirhøvur.

Sjálvboðin og uttan kostnað hevur hann gjørt ein nýggjan føroyskan rættstavara í samstarvi við Føroyamálsdeildina. Hann hevur gjørt aðrar rættstavarar og tykist hava serligan alsk til fáment mál. Umframt rættstavaran hevur hann ment ein elektroniskan tekstabanka við umleið 10 milliónum føroyskum orðum, har tað ber til at leita og kanna, hvussu orð verða brúkt í føroyskum. Rættstavarin og tekstabankin liggja á netinum ókeypis at brúka, sigur domsnevndin millum annað í sínari grundgeving.

- Ja, eg eri nokk ein idealistur. Eg havi mína bakgrund frá málrørsluni í Norra, og eg arbeiði fyri nýnorskum, men mín áhugi er ikki avmarkaður til mál, sum hava somu rót sum norskt. Eg meini, at øll málsamfeløg, hava tørv á og eiga at fáa slík amboð, sigur Trond Trosterud.

Hoyr alla samrøðuna við Trond Trosterud.