- Tíðindi, mentan og ítróttur
Nón
Danial Lydersen hevur givið út eitt risaverk í fýra bindum um Viðareiði, Slóðirnar og minnið. Beinagrindin í bókini er ein skipað gjøgnumgongd av staðarnøvnum í bygdini og tí partinum av Viðoynni, sum hoyrir til Viðareiðis bygd. Har, sum høvundurin hevur nakað at leggja afturat staðarnavninum - og tað hevur hann í flestu førum - sigur hann frá søgum og tilburðum, sum knýta seg at hesum staði. Vit fáa orðið á Dánjal Lydersen av Viðareiði fyrst í sendingini.
Fyrsta útgávan hjá hiphop-bólkinum Swangah kom út fyri tíggju árum síðan, og í hesum sambandi hevur bólkurin givið út bókina "Belials synir" við tekstum, myndum og heilsanum. Bólkurin Swangah verður m.a. sagdur at vera eitt spark í reyvina til øll tey, sum ikki vistu av, at tey hava brúk fyri tí. Umboð fyri Swangah vitja Nón seinni í sendingini.
Og so andaðist sangarin John Miles sunnudagin, og tað minnast vit í Nón sjálvandi.
Hoyr alla sendingina.