Hósdagin fer stóra føroyska mentanarátakið "Un éclat de soleil" av bakkastokki í París við stórari myndlistaframsýning við verkum eftir Hansinu Iversen, Rannvu Kunoy, Zacharias Heinesen og Ingálvi av Reyni.
Framsýningin er partur av einum størri mentanarátakið, sum Uttanríkis- og mentamálaráðnum skipar fyri í samstarvi við Sendistovu Føroya til Evropasamveldið, donsku sendistovuna í Paris, La Maison de Danemark og Visit Faroe
Islands.

Átakið heldur áfram í einar tveir mánaðir, og síðst í februar verða fleiri onnur føroysk tiltøk á skránni., sum verða fyriskipað í samstarvi við ávikavist FarLit, Faroe Islands Music Export, Filmshúsið og ein bólk av føroyskum sniðgevum.

Til ber at lesa meira um átakið á heimasíðuni hjá Uttanríkis- og mentamálaráðnum: https://www.ummr.fo/fo/kunning/tidindi/un-eclat-de-soleil-eitt-foroyskt-...

Nón tosar við Páll Nolsøe ráðgeva í Uttanríkis- og Mentamálaráðnu, sum er ein av teimum, ið samskipar átakið, og við Kinnu Poulsen, sum setur upp framsýningina.