Loynigentan lýsir loynilig evni

19-01-2022

Tað hevur týdning, at ung tora at tosa um tað, sum er torført at seta orð á. Tað heldur rithøvundurin handan nýggja ungdómsskaldsøgu.

"Loynigentan" er heitið á nýggjari føroyskari ungdómsskaldsøgu, sum kom út um mánaðarskiftið november/desember 2021.

Tað er Tórunn Karina Henriksen, sum hevur skrivað, og bókin er onnur skaldsøga hennara. Fyrsta skaldsøgan hjá Tórunn, "Månelyset viste vej", kom í 2010. Hon var á donskum.

"Loynigentan" er serlig á tann hátt, at hon viðger evnir, sum kanska ikki eru so nógv lýst í føroyskum skaldskapi; sjálvmorð, sorg, sálarsjúku, sosialar miðlar og happing og ágang á netinum.

Karina Henriken leggur seg eftir at skriva sosialrealistiskt, og hon vil við bókini lýsa evnir, sum kunnu vera torfør at tosa um:

- Tað hevur týdning, at ung fólk ikki kenna skomm, og at tey tora um at tosa um evni, sum eru torfør at seta orð á. Vónandi kann bókin varpa ljós á hetta, sigur Tórunn Karina Henriksen.

Lurtið eftir samrøðuni við Tórunn Karinu Henriksen um nýggju skaldsøgu hennara.

Nón

Sending, sum var at hoyra í útvarpinum frá 2017-2022. Nón er løtan á degnum um trítíðina seinnapart. Nón er eisini ein sending í útvarpinum, har karmurin er mentan og samfelag.

HB-húsið var sum eitt annað heim

Gamla HB-húsið við Niðaravøll í Gundadali verður tikið niður. Vit hitta tveir erka HB-arar, sum hugleiða um húsið, ið var karmur um eina mentanarsøgu í Havn

16-06-2022