Nón 19. januar 2022

19-01-2022

Ólavur Jøkladal um boykott. Tórunn Karina Henriksen og Loynigentan. Vetrarjazzur 2022.

Samband er millum partarnar, sigur Ólavur Jøkladal, nú boykottið av Tjóðpallinum gongur á øðrum ári. Hvat sigur formaður í Leiklistaráðnum, ið er stýrið fyri Tjóðpallin, um varandi kreppuna á leiklistaøkinum. Ólavur Jøkladal er formaður í Leiklistaráðnum, sum er stýrið fyri Tjóðpallin.

Sjálvmorð, sorg, sálarsjúka, sosialir miðlar, happing og ágangur á netinum. Tað eru millum evnini, ið verða viðgjørd í nýggju føroysku ungdómsskaldsøguni, Loynigentan, sum eisini er ein spenningsøga. Vit hitta rithøvundin, Tórunn Karinu Henriksen.

Vetrarjazzur 2022 fer av bakkastokki sunnudagin 23. januar og varir í eina viku. Vit hitta Marionnu Nagata og Kristian Blak frá Havnar Jazzfelag, ið hevur skipað fyri Vetrarjazzi síðan 2009.

Hoyr alla sendingina her.

Nón

Sending, sum var at hoyra í útvarpinum frá 2017-2022. Nón er løtan á degnum um trítíðina seinnapart. Nón er eisini ein sending í útvarpinum, har karmurin er mentan og samfelag.

HB-húsið var sum eitt annað heim

Gamla HB-húsið við Niðaravøll í Gundadali verður tikið niður. Vit hitta tveir erka HB-arar, sum hugleiða um húsið, ið var karmur um eina mentanarsøgu í Havn

16-06-2022