- Tíðindi, mentan og ítróttur
Nón
Hesa vikuna er mentanarvika í Runavíkar kommunu, og vit eru stødd í Runavík haðani vit komandi tíman fara at senda beinleiðis.
Vit sita í Gulu Smiðju, nýggja ungdóms- og virkishúsið í kommununi, sum júst er tikin í nýtslu, og vit fara eisini um eina løtu at tosa við nýggja og fyrsta leiðaran av ungdómshúsinum Guðmund Joensen.
Skráin fyri mentanarvikuna er sera rúgvismikil, vit hava valt okkurt, sum vit fara at práta um. Vit hitta borgarstjóran Tórbjørn Jacobsen til eitt prát um týdningin av mentan í einari kommunu við 15 sera ymiskum bygdum, og vit tosa við stjóran á Visit Runavík, Marjun Niclasen, ið samskipar mentanarvikuna.
Í Rituvík hava fólk latið hurðarnar upp, so til ber at hyggja at list í teirra heimi. Tað er nýggja tiltakið Hoymalist, vit fara eitt eitt rend til Rituvíkar, har vit eru á gátt hjá Elnu Johannesen, ið ger veggirnar klárar til Heimalist, og Bjørg Djurhuus, ið samskipar Heimalistina.
Og vit enda í Funningi, har spennandi verkætlan um Grím Kamban tekur skap.
Vælkomin til Nón sum sendir úr mentanarvikuni í Runavíkar kommunu.