Mentanarmikudagur um leiklist og myndlist

17-10-2018

Ummæli og umrøða av leiklist fáa innivist í dagsins Nón, umframt tiltakið Hoyma og tvær listaframsýningar

Jørundur hundadagakongur er jubileumsleikur, nú Havnar Sjónleikarfelag fyllir 100 ár. Birna Heinesen og Barbara í Stórustovu, dramaturgar, ummæla leikin.
Tiltakið Hoyma verður um vikuskiftið. Vit fregnast hjá fyriskiparanum Sigvør Laksá og Jón Tyril.
Øssur Johannesen hevur í hesum døgum listaframsýning á Psykiatrisk Center Amager, og samstundis er útkomin bóklingur við teimum 38 verkunum á framsýningini. Kinna Poulsen listaummælari kemur at ummæla útgávuna fyrst í seinna tímanum.
Og Tummas Jákup Thomsen hevur myndlistaframsýning í Myndlist. Vit hitta listamannin í framsýningarhølunum.
Huldufólk er spennandi og óhugnaligur sjónleikur á tjóðsavninum til børn úr 2. flokki. Sóleyð Danielsen leikstjóri vitjar í útvarpsstovuni síðst í sendingini.
Sendingin kann hoyrast her

Nón

Sending, sum var at hoyra í útvarpinum frá 2017-2022. Nón er løtan á degnum um trítíðina seinnapart. Nón er eisini ein sending í útvarpinum, har karmurin er mentan og samfelag.

HB-húsið var sum eitt annað heim

Gamla HB-húsið við Niðaravøll í Gundadali verður tikið niður. Vit hitta tveir erka HB-arar, sum hugleiða um húsið, ið var karmur um eina mentanarsøgu í Havn

16-06-2022