- Tíðindi, mentan og ítróttur
Nón
Hvussu sá føroysk jólastova út um ár 1900? Hvussu sá hon út undir seinna heimsbardaga? Hvussu sá hon út undir læknastríðnum? Og hvussu var hon innrættað, tá ABBA spældi Waterloo?
Tað ber til at síggja á forvitnisligari framsýning, sum lat upp í Auluni í Finsen 2. desember.
Tað er Tórshavnar Býarsavn, sum hevur gjørt framsýningina. Endamálið við henni er at lýsa jólini í høvuðsstaðnum gjøgnum tíðirnar. Hvaðani stava siðirnir, ið eru knýttir at jólunum, eitt nú jólatræið, jólagávurnar og jólamaðurin?
Framsýningin er opin til 23. desember hvønn dag millum klokkan 14 – 17, og er harumframt opin vikuskiftið 29. og 30. desember.
Adventsvikuskiftini er verkstova fyri børn kl. 14 – 17, har vit gera heimagjørt jólaprýði.
Vit tosaðu við Margrethu Nónklett, leiðara á Tórshavna Býarsavnið um nýggju framsýningina hjá savninum, sum lýsir jólini í fýra ymsum tíðarskeiðum.